GIRÊ SPÎ

Tevgera Ciwanên Rojava ya Girê Spî bi daxuyaniyekê piştgirya xwe di hemleya "TAMAM" de bi gelê Bakurê Kurdistanê û Tirkiyeyê re ragihandin, piştî ku ji serokê Tirkiyeyê hate pirsîn ku eger jê were xwestin ku dest ji desthilatdariyê berde û wî jî tenê got: "TAMAM"

Daxuyanî li pêşiya navenda Yekîtiya Ciwanan a bajarê Girê Spî ji aliyê Endamê Yekîtiyê Basil El-Seyad ve hate xwendin.

Di daxuyaniyê de wiha hate gotin:

"Piştî îflasketina dewleta Tirkiyeyê ku êdî nikare li hemberî pêla azadî û guhertinê derbikeve, hewl dide bi hemû hêza xwe desthilatdariya xwe li ser gel ferz bike.

Di vê çarçoveyê de serokê Tirkiyeyê car bi car derdikeve ser ekranên televîzyonan û daxuyaniyên xwe radigihîne û îdîa dike ku pêşxistina hilbijartinan mijarekî rewa ye, nemaze piştî ku hemû rikberên xwe xistin zîndaran û rewşa awarte li welat ragihand da ku siyaseta xwe li ser gel ferz bike û xwe weke sultanekî Osmaniyan ê serdema nû nîşan bide. Lê tevî vê yekê îradeya gel ti carî nayê şikandin û êdî ji Erdogan re dibêjin ku ew weke Bexdadî ye û cihê wan herduyan di çopa dîrokê de ye.

Piştî hemû talan û kuştina li seranserî Bakurê Kurdistanê, bi alîkariya rêxistinên terorîst ên weke DAIŞ û El-Nusra bes nekir û bi hemû hêz û derfetên xwe hewl dide şoreşa gelan bişkîne û dest bi êrîşên li dijî herêmên Sûriyeyê kir û herêma Efrînê li pêşiya çavên hemû cîhanê dagir dike.

Li ser vê bingehê gel bi hemleya "TAMAM" radibe. Em weke Ciwanên Girê Spî piştgiriya vê hemleyê dikin û em dibêjin na ji dagirkeriya Tirkiyeyê ya li dijî welatê me. Bijî netewa demokratîk. Bijî gelê me li Bakurê Kurdistanê û Tirkiyeyê.

Bimire sîstema faşist a Tirkiyeyê, hilweşe sîstema kujer Erdogan."

ANHA