ARAS YÛSIF-ROZANA DEDO / HELEB

Rêxistina Kongreya Star a Helebê bi armanca pêşxistina aboriya jinê li taxa Şêxmeqsûd kooperatîfa çêkirina şêraniyê vekir.

Di vê projeyê de 3 jin ji saet 08:00 heta saet 20:00‘an de dixebitin û cûreyên cuda yên şêranî çêdikin û bi buhayê kêmtir ji bazaran difroşin.

Emîne Reşîd got: "Ev koperatîf ji beriya hefteyekê bi hevkariya jinên komîna taxê û endamên Kongrê destpê kiriye. Ev proje ji bo me gaveke pir girîng e ku em bi xwe xwe bi rêve bibin û debara xwe ya jiyanî pêk bînin, bêyî ku alîkariyê ji kesekê bixwazin."

Kongra star a taxa Şêxmeqsûd ji bo vekirina şaxek nû li taxa El-Eşrefiyê (Benî zêd) amadekariyan dike.

Endama rêveberiya Kongra Star a taxa Şêxmeqûd Fatma Hesen diyar kir ku projeyên wan ên ji bo jinan hene û got:"Armanca projeyên me pêşxistina aboriya jinan e û her wiha zêdekirina derfetên kar ji jinên taxê re ye".

(şx)

ANHA