KOBANÊ

Bi sedan şêniyên kantona Kobanê ku hevserokên Meclîsa TEV-DEM û endamên saziyên sivîl jî di nav de serdana konê sersaxiyê yê şervanê QSD'ê Ebdil Qadir Mehmûd (Masîro Qeremox) kirin û sersaxî ji malbatê re xwestin. Di bin kon de merasîma sersaxiyê hate lidarxistin. Şehîd Masîro li Tebqayê şehîd bûbû.

Merasîm bi rêzgirtinê dest pê kir û paşê li ser navê PYD'ê Fatimê Xelîl axivî, sersaxî ji malbata şehîd re xwest û wiha got: "Em îro bi ciwanên gundê Qeremox serbilind in. Îro wan ciwanan canê xwe feda kir û axa welatê xwe parast."

Di merasîmê de li ser navê  malbata şehîd Masîro Qeremox Xelîl Mislim jî axivî û destnîşan kir ku parastina herêmê erka dikeve ser milê hemû welatiyên herêmê ye û wiha dom kir: "Dema ku ciwanên me tev li refên şer bûn me zanibû ku dê roja şehadeta wan were.  Em bi şehadeta kurê xwe serbilind in, em soz didin ku em ê heta dawiyê şopdarên riya wî bin."

Merasîma sersaxiyê bi dirûşman bi dawî bû.

(şm-em/ew)

ANHA