HESEKE

Girseya gel pişt cenazeyê şehîd Riyad Ismaîl ji Meclîsa Malbatên Şehîdan wergirtin, bi kerwaneke erebeyan ber bi goristana Şehîd Dijwar a li gundê Dawidiyê ve derketin rê. Li riya ketina goristanê gireseya gel cenaze ji erebeyan daxistin û li ser milan kirin. Girseya ku bê navber diruşme davêtin heta goristanê meşiyan. Li vir merasîm hate lidarxistin.

Merasîm bi rêzgirtinê destpê kir û paşê endamê Meclîsa Malbatên Şehîdan Mihemed Dawûd axivî û sersaxî ji malbata şehîd re xwest û tekez kir ku ew ê ji bo jiyaneke azad û bi rûmet her xeta şehîdan bidomîn in.

Di berdewama merasîmê de endamê Fermandariya YPG'ê Şiyar Delîl axivî û got: "Em bejna xwe li ber şiyandariya şehîdan ditewînin û em soza şopandina riya şehîdên ku ji bo wela canê xwe fedakirine, didin. Em soza bilindkirina asta tolhildan û tekoşînê heta armancên şehîdan bighînin serî didin. emê Efrîn rizgar bikin."

Di merasîmê de her wiha endamê PYD'ê Mistefa Îsa axivî û got ku Sûriya di pêvajoyek hesas re derbas dibe lewma divê hemû gel bi yek destî li beranberî komplo tekoşîn bikin.

Piştî axaftin bi dawî bûn, sivîlê şehîd hate xwendin û radestî malbatê hate kirin. Di dawiya merasîmê de girseya gel cenazeyê şehîd bi diruşmeyan spartin axê.

(şx)

ANHA