KOBANÊ

Bi sedan şêniyên kantona Kobanê, endam û rêveberên Rêveberiya Xweseriya Demokratîk a Kantona Kobanê, saziyên sivîl, şervanên YPJ/YPG`ê û Hêzên Asayîşê (Ewlehiya Hundirîn) duh beşdarî merasîma oxirkirina cenazeyê şehîd Masîro bûn.

Li goristanê di bin barana dijwar de cenazeyê şehîd ji aliyê sedan şêniyên kantonê ve li goristanê hate pêşwazîkirin. Li goristanê merasîm hate lidarxistin.

Merasîmê bi rêzgritinê dest pê kir û paşê hevserokê Desteya Malbatên Şehîdan a Kantona Kobanê Arif Balî û hevserokê Meclisa Tevgera Civaka Demokratîk a Kantona Kobanê Ehmed Şêxo axivîn.

Di axaftinan de hate gotin ku bi saya têkoşîna şehîdan herêm ji çeteyan hatiye rizgarkirin. Di axaftinan de her wiha soza şopandina riya şehîdan heta dayîn.

Piştî axaftinan wesîqeta şehadetê ji aliyê Meclisa Malbatên Şehîdan ve hate xwendin û radestî malbata şehîd hate kirin. Di dawiyê de girseya gel cenazeyê şehîd bi dirûşman spart axê.

(bx)

ANHA