Bi rêya şanoyê xwedî li çîrokan derdikevin

Li bajarê Kobanê ji bo bîranîna fermandar Arîn Mîrkan ku di berxwedana Kobanê de çalakiya fedayî pêk anîbû, her sal Festîvala Şanoyê ya Arîn Mîrkan û Zulfên Aştiyê tê lidarxistin.

Festîval ji aliyê Navenda Çand û Hunerê ya Baqî Xido ve û bi hevkariya Tevgera Çand û Hunerê ya Mezopotamyayê (TEV-ÇAND) bi dirûşma “Ji her bajarekî çîrokek, ji her dilekî romanek” hatiye organîzekirin.

Endamê komîteya amadekar a festîvalê Hisên Xanî der barê girîngiya festîvalê de ji ajansa me re axivî.

Hisên Xanî got: “Îsal festîval li hola Navnda Çand û Hunerê ya Baqî Xido tê lidarxistin û dê 6 rojan dewam bike. Ji ber ku me dît di van 15 salên dawiyê de, her bajarek û gundên Sûriyeyê bi hezaran çîrok tê de çêbûn, me jî xwest bi rêya şanoyê xwedî li wan çîrokan derkevin.”

Hisên Xanî di berdewama axaftina xwe bal kişand ser beşdariya festîvalê û wiha got: “Îsal festîval bi atmosfereke bicoş a bi beşdarbûna şêniyên Kobanê, sazî û dezgehên wê, şanoger, derhêner, nivîskar û lîstikvanên ji Şam, Reqa, Efrîn, Cizîr, Efrîn û Kobanê bi rê ve diçe. Her sal festîvala şano di salvegera şehadete fermandar Arîn Mîrkan (5’ê Cotmehê) de tê lidarxistin, lê ji ber hin şert û mercan festîval bi derengî ket.”

Xanî ev gotin li axaftina xwe zêde kir: “Mebesta me ji festîvalê ew e ku her nivîskar, şanoger, derhêner, lîstikvan li bajarê Kobanê li hev bicivin û nirxandineke baş ji bo pêşxistina asta şanoyê li tevalî Sûriyeyê pêk bînin û em xwedî li têkoşîna Arîn Mîrkan derkevin.”

Di dawiyê de Hisên Xanî banga tevlêbûnê kir û got: “Divê em xwedî li bîranîna şehîdên xwe derkevin, ji ber ku ew nirxêm me yên herî pîroz in.”

Festîval dê heta 4’ê Mijdarê bidome.

ANHA