18‘ê Gulanê li Serêkaniyê hate bi bîranîn

Li herêma Serêkaniyê, Roja Şehîdan û şehîdên mehên Nîsan û Gulanê bi merasîmekê hate bibîr anîn.

Merasîmê bîranînê li Goristana Şehîdan a li taxa Zeredeşt ji aliyê Meclisa Malbatên Şehîdan ve hate lidarxistin.

Piştî deqeya rêzgirtin û torana leşkerî ya şervanên YPG û YPJ‘ê ji fermandarên YPG‘ê Yaşar Serêkaniyê axivî û got: "Em di pêvajoyeke hestiyar de derbas dibin, dewleta Tirk û çeteyên wê gefan li herêmên bi bixwîna şehîdan hatin rizgarkirin, dixwin."

Yaşar Serêkaniyê soza şopandina rêya şehîdan da û got: "Wekî hêzên leşkerî em gefên li ser herêmên xwe qebûl nakin. Em soz didin ku em ê şopdarên şehîdan bin û destkeftiyên bi xwîna wan hatine qezenckirin biparêzin û Efrîn ji dagirkeriya Tirkiyê rizgar bikin."

Rêvebera Meclisa Malbatên Şehîdan Zehra Qedo jî got: "Şehîd minareya ronahiya gelan e û bingeha azadî û jiyaneke bi rumet diafirînin."

Merasîm bi dirûşmeyên dilsoziya bi şehîdan re bi dawî bû.

ANHA


Mijarên Din