44 girtiyên din li Dêrazorê serbest hatin berdan

Li ser kefaleta şêx û rûspiyên êlên Dêrazorê û bi însiyatîfa niyeta baş a Hêzên Ewlehiya Hundirîn ji bo avakirina pireyên baweriyê, beşa duyemîn a 44 girtiyan serbest serbestberdan.

Bi amadebûna şêx û rûspiyên êlên herêmê, nûnerên saziyên sivîl, Komîteya Têkiliyên Giştî ya Meclisa Sivîl a Dêrazorê û fermendarên leşkerî, Hêzên Ewlehiya Hundirîn a Dêrazorê beşa duyemîn a 44 girtiyên ku têkiliyêln wan bi DAIŞ`ê re hebûn û piştî lêkolînan isbat bû ku destê wan di rijandina xwîna gelê Sûriyê de tune ye, serbest berdan.

Di serbestberdanê de serokê Komîteya Hundirîn a Dêrazorê Basim El-Têf ji kesên ku serbest hatine berdan re axivî û got: "Em hêvî dikin ku hûn li xwe vegerin. Ev serbestberdan ji we re derfetek nû ye da ku hûn xizmeta civak û welatê xwe bikin. Hûn şêniyên vê xakê ne û ji we tê xwestin ku wê û şêniyên wê ji terorê biparêzin ne ku hevkariya wan bikin."

Ji aliyê xwe ve şêx û rûspiyên êlên Dêrazorê spasiya Rêveberiya Sivîl, Hêzên Ewlehiya Hundirîn û QSD`ê kirin ji ber ku daxwazên wan anîn cih û kefaleta wan qebûl kirin. Di heman demê de ji tevhiya kesên ku serbest hatine berdan re xwestin li gorî baweriya ku ji wan re hatiye dayîn bin û isbat bikin ku ew dikarin reftariyên xwe biguhêrin û civaka xwe biparêzin.

Hêzên Ewlehiya Hundirîn a Dêrazorê di 12`ê Gulanê de 43 girtiyên di nav de jinek ku di demên berê de hatibûn girtin li ser bingeha ku hevkariya DAIŞ`ê kirine serbest berdan.

(şx)
ANHA


Mijarên Din