Artêşa Iraqê: 4 moşek li barageha leşkerî ketin xwarê

Artêşa Iraqê bi daxuyaniyekê ragihand ku 4 moşekên Katyusha li ser barageha leşkerî ya Koalîsyona Navdewletî li başûrê Bexdayê ketin xwarê, di encamê de zirarên madî çêbûn.

Moşek li barageha Besmayê ketin xwarê ku tê de leşkerên Spanya di çarçoveya têkoşîna koalîsyonê ya li dijî çeteyên DAIŞ`ê de hene.

Moşek û topên hewan baragehên hêzên koalîsyonê kirin armanc, her wiha di mehên derbasbûyî de jî moşek li nêzî balyozxaneya Amerîkayê ya li Bexdayê ketin xwarê.

DYA`yê komên çekdar ên ku Îranê serkêşiya wan dike tewanbar kir.

Heta niha jî tu komên çekdar êriş negirtine ser xwe.

 (eh)


Mijarên Din