Artêşa Lîbyayê navên çeteyên DAIŞ’ê yên ku Tirkiyê şandine Lîbyayê eşkere kirin

Berdevkê fermî yê artêşa neteweyî ya Lîbyayê Ehmed El-Mismarî ragihand ku Tirkiyê çeteyên El-Nusra yên ser bi rêxistina El-Qaîde û DAIŞ’ê ve şandine Terablusê da ku destekê bibin hikûmeta Wîfaqê. El-Mismarî navên hin çeteyan eşkere kirin.

El-Mismarî di civîneke çapemeniyê de got: “Agahî li cem me hene ku Tirkiyê lîsteyek bi navê 229 terorîstn amade kiriye da ku wan ji Sûriyê bişîne Lîbyayê. Hin ji wan gihaştine Terablusê û hin din jî xwe amade dikin da ku bên Lîbyayê.”

El-Mismarî lîsteyek ji navên terorîstên herî xeternak ên ku di demên dawî de gihaştine Terablûsê paytext Lîbyayê eşkere kir. Ji wan çeteyan navên hinekan wiha ne:

Usama El-Seyid Qasim, ji Misrê ye û bi navê Ebû El-Hars El-Misrî tê naskirin. Di doza qetilkirina serokê Misrê Mihemed Enwer El-Sadat de 50 sal ceza girtiye. Her wiha ji hêla ewlekariya Misrê ve di dozên qetilkirinê de tê xwestin. Di sala 2013`an de direve Lîbyayê û li Binxazî tev li rêxistina Ensar El-Şerîa dibe. Li wir dibe fermandarekî Cebhet El-Nusra ya terorîst û piştre tev li Heyet Tehrîr El-Şam dibe. Bi vê yekê êdî di bin sponseriya îstixbarata Tirkiyê û Qeterê de kar dike û diçe Tirkiyê û Sûriyê. Niha wek çete ji bo hesabê hikumeta El-Wîfaq li Lîbyayê kar dike.

Bîlal Bin Yusif Bin Mihemed El-Şawaşî, bi navê Ebû Yihya Zekeriya tê naskirin. Ji Tunisê ye û di sala 2013`an de diçe Lîbyayê piştre Tirkiyê. Li Sûriyê li bajarê Babê di nav Cebhet El-Nusra de derket holê. Hinek diyar dikin ku ew tev li DAIŞ`ê bûye û piştre jê qut bûye û çûye Tirkiyê. Li ser wê rêxistinê fermana girtina wî tevî komeke mezin ji DAIŞ`iyên bakurê Afrîkayê da. Niha ji bo piştgiriya hêzên hikumeta El-Wîfaq kar dike.

Abdullah Mihemed El-Anzî, bi navê Ebû Mihemed El-Cizrawî tê naskirin. Di sala 1993`yan de li Erebistana Siûdî ji dayik bûye. Di 2015`an de ji Tirkiyê derbasî Sûriyê dibe û tev li rêxistina DAIŞ`ê dibe. Piştre li dijî artêşa Sûriyê li gundewarên Şam û Himsê şer dike û dibe mîrê milîsên Isûd El-Adnanî. Piştre di sala 2017`an de piştî ku artêşa Sûriyê wan tengav dike, diçe Ezazê û tev li koma Ehrar El-Şerqiye dibe. Ew li cem gelek aliyên ewlekariyê tê xwestin û niha li Trablusê ye da ku di nav hêzên El-Wîfaq de şer bike.

Yihya Tahir Ferxalî, ji Misrê ye û bi navê Ebû El-Ferac El-Ferxalî tê naskirin. Serokê buroya şerîatê ya çeteyên Ehrar El-Şam a girêdayî El-Qaîdeyê ye, 9 tugayên şerker bi navê Tugayên El-Fetih ava kirin. Piraniya wan tugayan li Lîbyayê ne.


Mijarên Din