Artêşa Tirk gundên Şera topbaran dike

Artêşa Tirk a dagirker û çeteyên wê di van kêliyan de gundên navçeya Şera ya kantona Efrînê topbaran dike. Her wiha balafirên keşfê li ser asîmanê herêmê digerin.

Nûçegihanê me ji herêmê ragihand ku saet di 12:30`an de artêşa dewleta Tirk a dagirker û çeteyên wê dest bi topbarana li ser gundên Malikiyê, Şewarxe û Teneb kir.

Nûçegihanê me diyar kir ku heta niha zêdetirî 30 topên hewanê li wan gundan ketine û topbarana bêserûber heta van kêliyan didome.

Her wiha balafirên keşfê yên dewleta Tirk li ser asîmanê herêmê digerin.

(bx)

ANHA


Mijarên Din