‘Balafirên Rûsya li Idlibê 1 tank, 6 panzêr û 5 erebeyên çekdarên Tirk rûxandin‘

Wezareta Parastinê ya Rûsyê ragihand ku balafirên Rûsya tankek, 6 panzêr û 5 erebeyên leşkerê yê çeteyên girêdayî Tirkiyê yên ku li Idlibê êrişî nuqteyên artêşa Sûriyê kirin, rûxandin.

Navenda Rûsya ya Lihevkirinê ya li Sûriyê di daxuyaniyekê de ragihand ku balafirên Rûsya hişt ku hêzên rejîmê bersiva êrişên çeteyên ên li ser herêmê bidin û destnîşan kir ku hêzên hawayî yên Rûsyayê alavên çekên giran ên çeteyan rûxandin.

Navendê got: "Komên terorist di 20‘ê Sibatê bi hejmarek mezin a panzêran êriş birin ser yekîneyên artêşa erebî ya Sûrî li eniyên Qemînaz- Neyreb."

Di daxuyaniyê de hate gotin: "Çekdaran obusên hêzên çekdar ên Tirk bi kar dianîn, ji ber vê yekê xetên parastinê yên artêşa Sûriyê derbas kirin."

Her wiha hate gotin ku 4 leşkerên Sûriyê ji ber topbarana obusên Tirkiyê birîndar bûn.

Wezaretê Parastinê ya Rûsya bang li aliyê Tirkiyê kir ku destekdayîna bi terorê re rawestîne.


Mijarên Din