"Bangewaziyên parçekirina QSD`ê hewldana derxistina nakokiyên di nava Sûriyê de ne"

Rûspiyên eşîrên Dêrazorê bangên parçekirina QSD`ê red kirin û piştgiriya QSD’ê kirin. Rûspiyan gotin: “Armanca van xwestekan derxistina nakokiyan di navbera gelên Sûriyê de ye.”

Rûspiyên eşîrên Dêrazorê li bin konê çalakiyê yê ku li navçeya Eyn Îsayê hatiye vedan axivîn.Tê zanîn ku konê çalakiyê di roja xwe ya 6`an de li dijî êrişên artêşa Tirk ên li ser herêmên Bakurê Sûriyê û binpêkirinên ku dewleta Tirk û komên çeteyan li dijî gelên herêmê pêk tînin, çalakiya xwe didomînin.

Rûspiyên eşîran behsa serdana serokê buroya ewlekariya neteweyî ya rejîma Sûriyê Elî Memlûk kirin û gotin: “Elî beriya çend rojan di serdanê de qala parçekirina şêniyên eşîran ji QSD`ê kiriye.” Rûspiyê eşîra Begara bersiva vê yekê da û got: “Ew bi yekîtiya xaka Sûriyê re ne û daxwaza xweseriya herêmên xwe di nava Sûriyeke hevgirtî de dikin. Li gel ku bangewaziyên hin aliyên ku hewldana derxistina nakokiyan di navbera pêkhateyên Bakur û Rojhilatê Sûriyê dikin, red dikin.”

Her wiha rûspiyê eşîra Begara destnîşan kir ku ew bangên mezhebperestan têkiliyên xwe bi welatparêziyê re tune ne û gotinên xwe wiha domandin: “Ji Sûriyê re tenê wêrankirin, nakokî, gendelî û qetilkirinê  tînin. Kesên bangewaziya parçekirina QSD`ê dikin, bila deh penaberên Sûriyê ku li derveyî welat in îqnaa bikin ku tevlî sîstema wan bibin.”

Hisên El-Leteh diyar kir ku QSD`ê parçeyek ji şêniyên herêmê ye û bi hemû pêkhateyên xwe ve parastina gund û bajarên xwe dike, niha jî artêşa Tirk şerê rûmetê dide meşandin.

Di dawiya axaftina xwe de rûspiyê eşîra Begara piştrast kir  ku ew ê piştgiriya QSD`ê bikin.

Di milekî din de ji eşîra El-Igêdad Îbrahîm El-Ewed axivî û parçekirina QSD`ê heta dawî red dikin û piştgiriya xwe ji QSD`ê re nîşan da û wiha anî ziman, QSD`ê parastina xak û destketiyên li dijî DAIŞ`ê hatine bidestxistin dikin.

Lê belê ji eşîra El-Fehed ku beşek ji eşîra Şemera ne, Şakir Salih axivî û got, em jparçekirina QSD`ê red dikin û dê li gel QSD`ê şerê artêşa Tirk bikin û parastina xakê bikin.Şakir di dawiya axaftina xwe de bang li her kesî kir ku piştgiriya berxwedana ku didine meşandin bikin.

(eh)

ANHA


Mijarên Din