Beriya cejnê li sûkên Dêrazorê tevgera zêde

Şêniyên gundewarên Dêrazorê amadekariyên cenja Qurbanê dikin. Piştî rizgarkirina bajêr ev duyemîn cejn e ku şênî pîroz dikin.

Şêniyên Dêrazorê ji ber dagirkeriya çeteyên DAIŞ`ê ji pîrozkirina cejnan bê par mabûn.

QSD`ê di 23`yê Adara 2019`an de bajarê Dêrazorê rizgar kir û bajar ji tarîtiyê derxistin.

Di êvara cejnê de û bi rewşa aram re, bazar rastî qerebalixa şêniyan a ji bo kirîna kel û pelan hat.

Welatiyê bi navê Kemal Selamê ji bajarokê Cezrat ê rojavayê bejahiya Dêrazorê ye û wiha got: "Bi rasthatina cejna Qurbanê û pêşwazîkirina heciyan re, bazar rastî qerebalixa şêniyan hatiye, em şîraniyê dikirin û wekî ku tê naskirin, em pêşwaziya mêvan û xizmên xwe dikin. Di heman demê de cil û bergên taybet bi cejnê, nexasim ji bo zarokan dikirin."

Her wiha Kemal Selamê bal kişand ser rola Hêzên Ewlehiya Hundirîn di bicihkirina aramî û ewlehiyê de, biryarnameyên têkildarî li dijî ewlehiya li herêmê û danîna bendên kontrolê.

(eh)

ANHA


Mijarên Din