Beşek ji birîndarên Serêkaniyê gihaşt nexweşxaneyên Qamişlo

Beşek ji birîndarên ku ji hêla Heyva Sor a Kurd, Heyva Sor a Sûriyê û Xaça Sor a Navdewletî ve ji nexweşxaneya Serêakniyê hatine derxistin gihaştin nexweşxaneyên bajarê Qamişlo ji bo ku werin dermankirin.

Ruxmî xeteriyê û topbarana artêşa Tirk a dagirker û çeteyên wê ambulansên Heyva Sor a Kurd, Heyva Sor a Sûriyê û Xaça Sor gihaştin nexweşxaneya Serêkaniyê û hinek birîndar û şehîd ji wir derxistin.

Hejmarek ambulansên Heyva Sor a Kurd, Heyva Sor a Sûriyê û Xaça Sor a Navdewletî gihaştin bajarê Serêkaniyê û hinek birîndar ji nexweşxaneya Serêkaniyê der xistin. Ev birîndar ji hêla artêşa Tirk a dagirker û çeteyên wê ve hatin dorpêçkirin û nahiştin ku kadroya tenduristiyê derbasî bajar bibin ji bo ku birîndar û şehîdan ji nexweşxaneyê derxînin.

Ev xebat piştî kedên Heyva Sor a Kurd û şêniyên herêma Cizîrê yên ku di dirêjahiya 3 rojên derbasbûyî de ruxmî hedefgirtina artêşa Tirk a dagirker diçûn bajarê Serêkaniyê hat.

Li gorî Heyva Sor a Kurd derdora 30 birîndar û 4 şehîd ji nexweşxaneya Serêkaniyê hatin derxistin.

(şx)

ANHA


Mijarên Din