Bi boneya 8’ê Adarê Partiya Pêşerojê ya Sûriyê li Şehbayê şahiyek li dar xist

Bi boneya 8’ê Adarê Nivîsgeha Jinan a Partiya Pêşerojê ya Sûriyê şaxê Efrînê û Şehbayê şahiyek li dar xist.

Şehî li Hola Mîtan a navçeya Ehdas a kantona Şehbayê bi beşdariya bi sedan jinan bi rê ve çû.

Di şehiyê de seroka Desteya Jinan şaxê kantona Efrînê Zelûx Reşîd şehîd Hevrîn Xelef bi bîr anî û got: "Şehîd Hevrîn li ku derê be wekî gulekê bû û bi rêya partiyê xwe gihand tevahiya jinên Sûriyê."

Li milekî din jî berpirsa Nivîsgeha Jinan a Partiya Pêşerojê ya Sûriyê şaxê kantona Efrînê Bêrîvan Cinêd, 8’ê Adarê li hemû jinên cîhanê pîroz kir.  Bêrîvan bal kişand ser rola jinan di têkoşîna li dijî hişmendiya zordestan de û wiha got: "Di şoreşên ku hatine lidarxistin de jin xwedan rol in û bi saya têkoşîn û berxwedana xwe bûn pêşengên civakê."

Piştî axaftin bi dawî bûn, sînevîzyonek têkildarî Roja Jinan a Cîhanê hate pêşandan. Di dawiya şahiyê de Koma Şehîd Awaz a Şehbayê ya girêdayî Navenda Çand û Hunerê ya kantona Şehbayê û koma mîrateyan a Kevana Zêrîn çend stran pêşkêş kirin.

(eh)

ANHA


Mijarên Din