Bi çalakiyeke hunerî piştgiriya xwe ya bi QSD‘ê re nîşan dan

Bi armacna piştgiriya Hêzên Sûriye Demokratîk, Komîteya Çand û Hunerê ya Tebqayê şevbuhêrkek çandî hunerî li dar xist.

Şevbuhêrk li Navenda Çandê ya Tebqayî bi amadebûna hevserokatiya Meclisa Rêveber a Tebqayê Şiyar Mihemed û Hind El-Elî û dehan endamên komîte û saziyên sivîl li dar ket.

Endama rêveber a Komîteya Çand û Hunerê ya Tebqayê Bitûl El-Xelîf diyar kir ku ev çalakî bi armanca piştgiriya manewî ya ji QSD`ê re di Berxwedana Rûmetê de ya li dijî artêşa Tirk a dagirker û çeteyên wê ji Cebhet El-Nusra û DAIŞ`ê hatiye lidarxistin û got: "Bi rêya vê çalakiyê em bang li cîhanê hemû bikin ku sînorekî ji binpêkirinên dewleta Tirk a dagirker ên li dijî gelên Bakur û Rojhilatê Sûriyê re deynin."

Di şevbuhêrkê de Koma Durit Firat a Tebqayê gelek berhemên xwe yên hunerî pêşendan. Hevserokê Komîteya Têkiliyên Giştî ya Rêveberiya Sivîl a Tebqayê helbestvan û Teysîr El-Efat helbest girêdayî lehengiya şervanên QSD û destanên wan di Berxwedana Rûmetê de û şermezarkirina binpêkirinên artêşa Tirk a dagirker ên domdar li herêmên Bakur û Rojhilatê Sûriyê xwend.

(şx)

ANHA


Mijarên Din