Bi hezaran li dijî dagirkeriya Tirk diherikin qada Şehîd Xebat

Bi hezaran şêniyên herêma Cizîrê dihekikin qada Şehîd Xebat da ku tev li çalakyiya şermezarkirina êrîş û binpêkirinên dagirkeriya dewleta Tirk ên li ser Başûrê Kurdistanê û Bakurê Sûriyê bibin.

Bi dirûşmeya "Ji Efrîn heya Biradost na ji dagirkeriya dewleta Tirk re" îro Meclisa Kantona Qamişlo û Kongreya Star çalakiyek protestoyî li bajarê Qamişlo li dar xist. Ji pêkhateyên herêma Cizîrê û saziyên girêdayî wê tev  li çalakiyê dibin.

Niha şênî diherikin qada Şehîd Xebat li rojhilatê bajarê Qamişlo da ku tev li çalakiya protestoyî bibin a ku ji bo şermezarkirina êrîşên dagirkeriya Tirk li dijî herêmên başûrê Kurdistanê û binpêkirinên wê der heqê şênî û xwezaya Efrînê û de li darketiye. Şêniyan wêneyên Rêber Abdullah Ocalan, alên Kongreya Star, Saziya Malbatên Şehîdan, Tevgera Civaka Demokratîk (TEV-DEM), QSD, YPG, YPJ û saziyên ku tev li çalakiyê bûne hildan.

Her wiha Hêzên Ewlehiya Hundirîn, YPG û YPJ`ê ji bo parastina çalakgeran tev li çalakiyê bûn.

Tê payîn ku di çalakiyê de gelek axaftin ji hêla Komîteya Amadekar ve werin kirin.

(şx)
ANHA


Mijarên Din