Bi hezaran şehîdên Qereçoxê bi bîr anîn

Bi hezaran şêniyên herêma Cizîrê salavegera duyemîn a şehadeta şehîdên Qereçoxê yên ku di encama êrîşên balafirên artêşa Tirk a dagirker de şehîd bûne, bi bîr anîn.

Balafirên dewleta Tirk a dagirker di 25`ê Nîsana 2017`an de navenda Fermendariya Giştî ya YPG û YPJ`ê ya li çiyayê Qereçoxê ku ji navenda ragihandin, radyoya Rojava û saziyên leşkerî pêk dihat kir hedef. Di encamê de 20 şervan ji YPG û YPJ`ê di nav de nûçegihanên şer şehîd bûn.

Bi hezaran şêniyên herêma Cizîrê û endamên hêzên leşkerî ji bo bîranîna şehîdên Qereçoxê, herikîn Çiyayê Qereçoxê.

Bîranîn bi torenek leşkerî ji hêla bi sedan şervanên YPG û YPJ`ê ve destpê kir. Paşê ji fermendara YPJ`ê Leyla Waşûkanî axivî û şehîdên komkujiya Qereçoxê bi bîr anîn.

Leyla wiha domand: "Hovîtiya dagirkeriya Tirk sûcên DAIŞ`ê, qanûnên mirovî û peymanên navdewletî derbas kiriye. Tirkiyê bi armanca sivikkirina zexta şervanan li ser DAIŞ`ê, êrîşî navenda fermendariyê kir."

Leyla Weşûkanî destnîşan kir ku YPG û YPJ`ê xewna hevalên xwe û şehîdên Qereçoxê bi tunekirina terora DAIŞ`ê anîn cih. Leyla soza şopandina rêya şehîdan ji bo parastina herêmê ji her xeteriyekê da.

Her wiha hevseroka Meclisa Malbatên Şehîdan a Kantona Qamişo Hêvî Seyid û hevseroka Meclisa Kantona Qamişlo Perwîn Mihemed Emîn axivî. Kesên axivîn şehîdên Qereçoxê û tevahiya şehîdên azadiyê bi bîr anîn.

axaftvanan hovîtiya dewleta Tirk a dagirker li dijî tevahiya gelan destnîşan kirin û diyar kirin ku Tirkiye şikandina vîna gelên di bin sîwana projeya demokratîk de armanc dike.

Piştî axaftinan şêniyan berê xwe dan Goristana Şehîd Xebat û gul danîn ser gorên şehîdan.

(şx)

ANHA


Mijarên Din