Bi merasîmekê cenazeyê şehîd Çekdar Cûdî spartin axê

Bi merasîmekê girseyî cenazeyê şervanê QSD'ê Çekdar Cûdî li goristana Şehîd Dijwar a bajarê Hesekê hate veşartin.

Bi sedan şêniyên bajarê Hesekê cenazeyê şervanê QSD'ê Mahsûm Hesen (Çekdar Cûdî) ê ku li ser erka xwe ya leşkerî şehîd bibû, ji pêşiya Meclisa Malbatên Şehîdan wergirtin û bi kerwanekî ji dehan ereban ber bi goristana Şehîd Dijwar ve bi rê ketin.

Li goristanê deqeyek rêz hate girtin û merasîmeke leşkerî ji aliyê şervanên YPG û YPJ'ê hate lidarxistin.

Bi navê Meclisa Malbatên Şehîdan, endamê meclisê Ebdulrezaq Ehmed sersaxî ji malbata şehîd re xwest û got: "Em bejna xwe li hemberî lehengên ku di oxira pêkanîna azadiyê de giyanê xwe feda kirine, ditewînin. Malbatên şehîdan ji bo parastina şoreşê, pêkanîna jiyaneke aştiyene û civakeke demokratîk û azad bê teredud zarên xwe dan."

Di merasîmê de Fermandarê Meclisa Leşkerî ya bajarê Hesekê Remedan Badînî soza şopandina rêya şehîdan dûbare kir û derheqê şehîd Çekdar de got: "Şehîd Çekdar berxwedêrek bû, yek ji sembolên şoreşê ye. Erka jê dihat xwestin bi rêkûpêk bi cih dianî. Em soz didin ku em ê xeta wî berdewam bikin ta armancê ku ji bo wê şehîd bûyne, bighînin serî."

Endamê Meclisa Malbatên Şehîda nasnameya şehîd xwendin û radestî malbata wî kirin.

Ceanzeyê şehîd Çekdar Cûdî di nava diruşme û tilîliyên dayikan hate veşratin.

ANHA


Mijarên Din