Bi şevuhêreke helbestan piştgirî dan Berxwedana Rûmetê

Helbestvanên kantona Hesekê bi şevbuhêrkeke helbestan piştgirî dan berxwedana QSD‘ê ya li hemberî êrişên dagirkeriya dewketa Tirk a dagirker û çeteyên wê.

Bi armanca pitşgiriya bi Hêzên Sûriya Demokratîk re, Yekîtiya Rewşenbîrên Kantona Hesekê şevbuhêrkeke helbestan organize kir. Şevbuhêrk li avahiya Tevgera Civaka Demokratîk (TEV -DEM) ya bajarê Hesekê hat lidarxistin.

Bi dehan helbestvan, rewşenbîr û şêniyên bajarê Hesekê di şevbuhêrkê de amade bûn. Şevbuhêrk bi deqeyeke rêzgirtinê dest pê kir, paşê endamê Yekîtiya Rewşenbîran şaxê Hesekê Mihemed Beşîr axivî û bi xêrhatina beşdaran kir.

Beşîr da zanîn ku`` Li dijî gelê me yên li herêmên sînorî yên Bakur û Rojhilatê Sûriyê, di van demên dawî êrişên dijwar ji aliyê dewleta Tirk a dagirker û çeteyên wê ve têne kirin. Di encamê de bi sedan sivîl jiyana xwe ji dest dan û zêdeyî 300 hezar kes neçarî koçberiyê bûn, lê ji bilî QSD`ê tu hêzan parastina gelê me nekirin, ji ber vê yekê di vê qonaxê de divê tevahiya pêkhateyên Bakur û Rojhilatê Sûriyê beşdarî berxwedanê bibin. Herî kêm dikarin kelûpelên Tikrî baykot bikin.``

Helbestvan Anahîta Sîno, Mistefa Sîno, Stêr Ebdî, Bawer Can û Feyrûz Reşik`` helbest li ser berxwedana QSD‘ê xwendin.

(rr)

ANHA


Mijarên Din