Buroya PYD`ê ya Lubnanê kiryarên çeteyan şermezar kirin

Buroya PYD`ê ya Lubnanê bang li NY`yê kir ku komîteyekê ava bike da ku sûcên çeteyên Tirkiyê li herêmên dagirkirî yên Sûriyê pêk anîne, aşkera bike.

Buroya PYD’ê ya Lubnanê da zanîn ku bêdengiya navneteweyî li hember sûcên çeteyan xaleke reş e li ser eniya mirovahiyê.

Daxuyaniya buroyê wiha ye:

"Em hemû kiryar û sûcên ku li bajarê Efrînê û herêmên din ên ji aliyê dewleta Tirk û çeteyên wê ve hatine dagirkirin, şermezar dikin. Bêdengiya navneteweyî nîşaneke reş li ser eniya mirovahiyê ye. Ji destpêka bajarê Efrînê ji aliyê dewleta Tirk a dagirker û çeteyên wê ve hatiye dagirkirin, sûcên şer û sûcên li dijî mirovahiyê ji kuştin, îşkencekirin, şewitandin, dizî û hedefgirtina jinan pêk tê. Em bang li hemû rêxistinên mafên mirovan ên cîhanê dikin, her wiha em bang li NY`yê û civaka navneteweyî dikin ku komîteyekê bişînin ku der barê sûcên çeteyan de lêpirsînê bike."

(bx)

ANHA


Mijarên Din