Çalakiya konvedanê ya li gundewarê Reqayê didome

Çalakiya konvedanê ya li bajarokê Til Semin ê bakurê Reqayê ya ji bo şermezarkirinê êrîşên dagirkeriya dewleta Tirk didome.

Îro nûnerên Meclisa Sivîl a Reqayê, Rêveberiya Xweser a Bakur û Rojhilatê Sûriyê, Rêveberiya Jin a Tebqayê  serdana çalakiya konvedanê kirin. Di çalakiyê de hate gotin, çendîn êrîş û dagirkerî bidome berxwedan jî berdewam e. Gelan her mijarek ku Sûriyê parçe dike yan jî dagirkerî dide rûniştandin qebûl nakin.

Di çalakiyê de bi navên Meclisa Sivîl a Reqayê endamê rêveber ê Buroya Rêxistinkirina Meclisan Ebdulatîf, Rêveberiya Xweser a Bakur û Rojhilatê Sûriyê cîgirê hevserokatiyê Hemdan El-Ebid û Meclisa Jin a Hezîma endama rêveber Hind El-Ata axivîn.

Di axaftinan de êrîşên artêşa Tirk a dagirker û dagirkirina axa Sûriyê hatin redkirin û bêndengiya navdewletî li hember bikaranîna Tirkiyê çekên qedexekirî hate şermezarkirin. Axaftvanan bang li rêxistinên hiqûqî û mirovî kir ku wan binpêkirinan û komployên der heqê gelên Bakur û Rojhilatê Sûriyê  de têne plankirin rawestînin.

Kesên axivîn berxwedana şervanên Hêzên Sûriye Demokratîk di Berxwedana Rûmetê de silav kirin û soza şopandina rêya şehîdan dan.

(şx)

ANHA

 


Mijarên Din