Çalakiya li Şehabayê bi komeke nû dewam dike

Çalakiya li Şehbayê ya bi armanca rakirina tecrîda li dijî Rêberê Gelê Kurd Abdullah Ocalan û piştevahiya çalakgerên grevên biçîbûnê di roja 4‘emîn de bi komeke nû dewam dike.

Çalakî ji aliyê Kongreya Star ve bi diruşmeya ‘Berxwedana çalakgerên greva birçîbûnê pîroz e, em hemû Leyla û Nasir in’li navçeya Ehrisê ya Şehbayê tê lidarxistin.

Di roja 4‘emîn de, jinên Efrînê yên li kampên Serdem û Efrînê dewr girtin. Bi dehan endamên Meclisa Malbatên Şehîdan, nûnerên Rêveberiya Xweseriya Demokratîk û Kongreya Star û xelkên li herdu kampan serdana konê çalakiyê kirin.

Piştî deqeya rêzgirtin, nirxandinên Rêberê Gelê Kurd Abdullah Ocalan girêdayî girîngiya rêxistinakirina gel li gorî rêgezên gelê şoreşger guhdar kirin.

Endama Rêveber a Meclisa Jin a Kampa Serdemê Elîf Osman got, berxwedana çalakgerên grevên birçîbûnê ya bi serkêşiya Layla Guven serkeftina gelê azadîxwaz li hemberî hêzên komploger e.

Di berdewama çalakiyê de peyama deng a Leyla Guven hate guhdarkirin. Paşê Rêvebera Kongreya Star a Kampa Serdemê Xaliya Misko axivî û anî ziman ku"Bi sya fikr û felsefeya Ocalan em ji hewldanên qirkirin û înkarkirina rola jin rizgar bûn. Em desteka xwe bi çalakgeran re radighînin. Bi piştevaniyê planên dewletên komploger li dijî gelê me dê têk biçin û rêberê me Ocalan dê azad bibe."

Her wiha helbest li ser Ocalan û berxwedana çalakgerên grevê hatin xwendin.

Jinên kampên Serdem û Efrîn dê heta sibe sibeha dewra çalakiyê bigirin. Di çalakiyê de dê axaftin, helbest werin kirin û semîner werin dayîn.

Tê payîn ku dê sibe Tevgera Kevana Zêrîn çalakiyê dewr bigire.

ANHA


Mijarên Din