Çalakiya mertalên zindî bi hemû hêza xwe didome

Çalakiya mertalên zindî ya şêniyên kantona Girê Spî ya li dijî gefên Tirkiyê yên li ser herêmên Bakur û Rojhilatê Sûriyê di roja 20‘an de ye.

Ji bin konê çalakiyê de ku li taxa Minbetêh a li hember sînorê Sûriyê-Tirkiyê hatiye vedan, şêniyên kantona Girê Spê tekez kirin ew  ku gefên Tirkiyê red dikin.

Di çalakiyên mertalên zindî yên ku ji 18’ê mehê ve dest pê kirine û ketiye roja xwe ya 20’emîn, hevserokê Şaredariya Gel a bajarokê Curn Umer Kirdo got: "Ev kon di yek refê de me li hember dewleta dagirker a Tirk de li hev dicivîne. Em şêniyên kantoan Girê Spî ji dewleta Tirk a faşîst û tevahî cîhanê re dibêjin ku li gel hêzên ên herêmê diparêzin bi dil û can in."

Kirdo bal kişand ser ku dewleta dagirker a Tirk ne tenê gefan li hêzên leşkerî dixwe, lê belê hewl dide destkeftiyên gelê Bakur û Rojhilatê Sûriyê jî derbe bike û armanc dike ku dewleta Osmaniya Nû li herêmê ji nû ve vejîne.

Kirdo axaftina xwe wiha domand: "Heke hat xwestin dê li gel QSD’ê di yek xendeqê de li hember dewleta dagirker a Tirk bisekinin."

Di çalakiyên îro de  şêwekar "Pîkaso El-Ereb" tabloya hunerî ya wêneya Rêber Abdullah Ocalan û ya têkoşer Arjentînê Ernesto Che Guevara çêkir.

Çalakiyên mertalên zindî li Girê Spî û Kobanê yên redkirin û şermezarkirina gefên Tirkiyê yên li ser herêmên Bakur  û Rojhilatê Sûriyê berdewam in.

(fr)

ANHA

 


Mijarên Din