Cangoriyên azadiyê li Dêrazorê hatin veşartin

Welatiyên gundewarên Dêrazorê cenazeyên 6 şehîdan bi merasîmekê li Goristana Şehîd Hanî El-Hesen spartin axê.

Şêniyên bajaroka Bisêra, gundên Hecîn û Keşkiyê yên Dêrazorê, şervanên QSD û Hêzên Ewlekaraiya Hundirîn cenazeyên şervanên QSD‘ê Ebdulhekîm Ehmed, Bekir Hîlal El-Hesen, Beşar Neyîm El-Salih, Ela Merwan El-Wegai û Iqab Hamid El-Elî di 29‘ê Adara 2019‘an de û endamê Hêzên Ewlekariya Hundirîn a Dêrazorê di 28‘ê Adarê şehîd bibûn  bi merasîmeke girseyî spartin axê.

Girseya gel cenazeyên şehîdan ji ber çerxerêya Etal a deriyê ketina bajarokê Bisêra wergirtin û bi kerwanekî ber bi Goristana Şehîd Hanî El-Hesen ve bi rê ket.

Piştî merasîma leşkerî ya ji aliyê QSD‘ê ve endamê Meclisa Sivîl a Dêrazorê Siyamend Xelo axivî, sersaxî ji malbatên şehîdan re xwest û anî ziman ku bi xwîna wan herêm ji çeteyan rizgar bû.

Endama Meclisa Malbatên Şehîdan Suha Mihemed jî axivî û malbatên şehîdan silav kir û anî ziman ku ew bi serkeftina QSD‘ê ya li dijî DAIŞ‘ê serbilind in.

Di merasmî de Meclisa Malbatên Şehîdan nasnameyên 20 şehîdan eşkere kir. Nasnameyên şehîdan ev in: Şervanên QSD‘ê Elî Mûsa Fehmî, Mihemed Ehmed El-Salih, Salih Remezan El-Mamîş, Ebdulrehman Ehmed El-Mihemed, Humam Silêman El-Reyis, Enwer El-Hac Hisên, Husam Elî El-Cemîl, Mihemed Mixlêf Muslim, Hemdan Heyder El-Elî, Mihsin Sewadî El-Firêh, Ebdulkerîm Hisên El-Elî, Îd Xidir El-Mihêmîd, Ehmed Mihemed El-Muteleq, Fayiz Nûrî El-Mitleq, Mihêdî Salih El-Hebîb, Sahir Elî El-Hemed, Elî Hisên El-Ewed û Ebdulreman Mihemed El-Ehmed di 18‘ê Adara 2019‘an di Pêngava Bagera Cizîrê û endamên Hêzên Ewlekariya Hundirîn Salih Ebûd Îbrahîm û Salih Ebd El-Cofan di 29‘ê Adarê 2019 dema erka xwe pêk di anîn şehîd bûn.

Nasnameyên şehîdan radestî malbatên wan hatin kirin.

Şêniyên cenazeyê 6 şehîdan spartin axê.

ANHA


Mijarên Din