​​​​​​​Cejna Çarşema Serê Salê dê li qontara Çiyayê Şengalê were pîrozkirin

Îsal di 14’ê Nîsanê de cejna Çarşema Serê Salê dê li qontara Çiyayê Şengalê bi şahiyekê were pîrozkirin.

Komîta Amadekar a Cejna Çarşema Serê Salê bernameya pîrozbahiya cejnê ragihand.

Komîteyê di sêrî de Cejna Çarşema Serê Salê li tevhiya gelê Êzidî û mirovahiyê pîroz kir û da diyarkirin ku dê di 14’ê Nîsanê de li qontara Çiyayê Şengalê, li  geliyê Kersê bi şahiyekê û amadebûna hunermend û komên stranê ji derve û hundirê Êzidîxanê Cejna Çarşema Serê Salê bi coş pîroz bikin.

Li gorî komîteyê Osman Faris, Hunermend Baran, Sîpan Xelat, Koma Şehîd Serhed û Koma Şeng û Arî dê derkevin ser dikê û berhemên xwe pêşkêş bikin.


Mijarên Din