Cenazeyê keşe Hosip Bidoyan li Qamişlo hate veşartin

Cenazeyê keşeyê Dêra Ermenan a Katolîk a Qamişlo Hosip Bidoyan, li dêra ku tê de dixebitî hate veşartin.

Şêniyên bajarê Qamişlo bi hemû pêkhateyên wê li pêşiya erkaniya katolîk a Ermen a Cizîrê û Firatê kom bûn da beşdarî merasîmê oxirkirina keşeyê dêra ermine katolîk Hosib Bidoyan bibin.

Li erkaniya katolîk a Ermen a Cizîrê û Firatê merasîma nimêja li ser derbestê keşe Hosip Bidoyan pêk hat û ayet û sirûdên olî hatin xwendin.

Piştî bidawîbûna nimêjê oldaran cenazeyê Hosip Bidoyan li ber dengê zengilê dêrê û ayînên olî li ser milên xwe kirin li dêrê spartin axê.

11`ê Mijdarê şaneyên çeteyên DAIŞ`ê keşeyê Dêra Ermenan a Katolîk a Qamişlo Hosip Bidoyan  û bavê wî Hena Bidoyan qetilkirin. Keşe û bavê xwe dema ji bajarê Hesekê diçûn Dêrazorê ji bo ku çavdêriya xebatên restorekirina dêrekê hatin qetilkirin.

(şx)

ANHA


Mijarên Din