Cenazeyê şehîd Mehmûd bi merasîmeke girseyî hate veşartin

Şêniyên kantona Hesekê bi merasîmekê cenazeyê endamê Hêzên Ewlekariya Hundirîn Mehmûd Mihyedîn (Tevger Mehmûd ) li Goristana Şehîd Dijwar a li gundê Dawidiyê spartin axê.

Bi sedan şêniyan cenazeyê endamê Hêzên Ewlekariya Hundirîn Mehmûd Mihyedîn (Tevger Mehmûd ) ê dema erka xwe pêk dianî şehîd bibû, ji ber avahiya Meclisa Malbatên Şehîdan wergirtin û bi kerwanekî wesayîtan ku bi wêneyên şehîd hatibû xemilandin ber bi Goristana Şehîd Dijwar a li gundê Dawidiyê ve bi rê ketin.

Merasîm bi deqeye rêzgirtina leşkerî ya ji aliyê Hêzên Ewlekariya Hundirîn ve dest pê kir. Piştre Hevseokê Meclisa Malbatên Şehîdan a bajarê Hesekê Bengîn Badînî axivî û got: "Rojane dewleta Tirk a dagirker gefên dagirkirina herêmên me dixwe, ji ber ku naxwaze ewlehî û demokrasiyê li herêmên me pêk werin."

Badînî girîngiya hevgirtinê di vê pêvajoyê de destnîşan kir û got: "Wekî çawa şehîd Mehmûd ji bo ewlehiya gel şiyar bû, divê em jî ji her gef û êrîşan hişyar bikin. "

Bi navê Hêzên Ewlekariya Hundirîn Selah Heneş sersaxî ji malbata şehîd re xwest û got: "Nirxên şehîdan nayê pîvandin, rêya ku hevalên me şopandine rêya rumet û parastina hebûnê ye."

Heneş di dawiya axaftina xwe de soz şopandina rêya şehîdan da.

Piştî axaftinan nasnameya şehîd ji aliyê endama Meclisa Malbatên Şehîdan Rojda Ehmed ve hate xwendin û radestî malbata wî hate kirin.

Hevalên şehîd cenaze di nava dirûşme û tilîliyên dayikan spartin axê.

ANHA


Mijarên Din