Cenazeyê şehîd Xalid Hemûd li Serêkaniyê hate veşartin

Bi sedan şêniyên bajarê Serêkaniyê yê girêdayî kantona Hesekê cenazeyê şehîdê Hêzên Erka Xweparastinê Xalid Hemûd ê ku di 6‘ê Tebaxê 2019’an de li Dêrazorê di dema li ser erka xwe şehîd bûbû, veşart.

Şêniyan cenazeyê şehîd Xalid Hemûd ji nexweşxaneya Roj a bajarê Serêkaniyê wergirt û bi peyatî berê xwe da Goridtana Şehîdan a Serêkaniyê ya li bajêr. Li rexê jî diruşmên silavkirina şehîdan berz dan.

Li goristanê, merasîm bi deqeyeke rêzgirtin û toraneke leşkerî ji hêla YPG û Hêzên Erka Xweparastinê ve dest pê kir. Piştre bi navê Meclisa Malbatên Şehîdan a bajêr Abdulrezaq Mihemed û bi navê hêzên leşkerî birpirsê Têkiliyan ê Hêzên Erka Xweparastinê Salim Îbrahîm axivîn.

Kesên axivîn sersaxî ji malbata şehîd xwest û îşaret pê kir ku dewlet Tirk nikare ewlehî û aramiya herêmê têk bibe û hate gotin:  "Gelên herêmê bi saya zend û israra ciwanan, her wiha bi keda hêzên leşkerî û malbatên şehîdan dê gefên dagirkeran têk bibin."

Kesên axivîn soza şopandina rêça şehîd heta serkeftin û pêkanîna daxwazên têkoşer û şehîdan, da.

Dûvre jî wesîqeya şehîda Xalid Hemûd ji hêla endamê Hêzên Erka Xweparatinê ve hat xwendin û radestî malbatê hat kirin.

Cenzayê şehîd di nava tilîliyên dayikan û diruşmên silavkirina şehîdan de spart axê.

(fr)

ANHA


Mijarên Din