Çeteyên Tirkiyê mizgeft kirin girtîgeha îşkencekirina jinan

Hate ragihandin ku çeteyên bi navê " LîwaSemerqend" ya girêdayî dewleta Tirk a dagirker mizgeftek li navçeya Mabatayê kirin girtîgeha îşkencekirina jinan.

Li gorî agahiyên ku çavkaniyan ji kantona Efrînê ya dagirkirî dane ANHA‘yê, çeteyên navê Lîwa Semerqend li xwe dikin mizgefa gundê Rota ya navçeya Mabatayê veguherandin girtîgehek taybet a îşkencekirina jinan.

Heman çavkanî destnîşan kir ku çete jinên li navçeya Mabata, Cindirês û Şiyê bi tewana ku berê têkiliyên wan bi saziyên Rêveberiya Xweser re hebûn digirin.

Li gorî çavkanî, çeteyên "Lîwa Semerqend" a girêdayê MÎT‘ê li hemberî jinan her cûre îşkenceya fîzîkî û dirûnî dimeşînin.

ANHA


Mijarên Din