Ciwanên Dêrazorê dest bi hemleya `Bi hev re li dijî madeyên hişbirê` kirin

Îro ciwanên Dêrazorê dest bi hemleya li dijî madeyên hişbirê kirin û bi wê armancê belavok belav kirin. Her wiha ji bo teşwîqkirina werzîşê pêşbaziya bezê organize kirin.

Bi armanca perwerdekirina civakê bi taybet çîna ciwanan, ciwanên Dêrazorê dest bi hemleyekê li dijî madeyên hişbirê kirin. Bi vê armancê belavokên girêdayî asta xeteriya madeyên hişbirê, zirarên wê û bandorên wê yên neyînî li ser civakê,  li ser şêniyên  navçeya El-Kesra û gundê El-Seiwa belav kirin û bi camên dikanan xistin.

Tevî wan çalakiyan, ciwanan pêşbaziya bezê organîze kir. Beşdarên pêşbaziyê ji çarxerêya El-Kesra ber bi çarxeriya El-Seiwa ve piştî ku di nav 3 gundan re bezîn yanî 7 km qut kirin. 75 kes tevli maratonê bûn. Bez li ber çarxerêya Şehîdan a El-Sewa rawestî.

Di dawiya pêşbaziyê de çavdêrên hemleyê 3 kesên destpêkê ku bi serketine bi qemîsên ku nivîsa `Bi hev re li dijî madeyên hişbirê` hatiye nivîsandin xelat kirin û kesê ku di pileya yekemîn de bi serketiye bi miqdarek pere xelat kir.

Girêdayî mijarê hevseroka Yekîtiya Ciwanan a Dêrazorê Leyla Ehmed destnîşan kir ku wan bi armanca zanakirina ciwanan da ku bikevin ferqa zirarên madeyên hişbirê yên derûnî, tenduristî û civakî, dest bi hemleya xwe kir.

(şx)

ANHA


Mijarên Din