Ciwanên Helebê li dijî êrîşa dagirkeran meşeke lidar xistin

Bi sedan ji ciwanên bajarê Helebê daketin qadan û piştgirî dan  Berxwedana Rûmetê ya li dijî dagirkeriya Tirk li ser herêmên Bakur û Rojhilatê Sûriyê.

Ciwanên taxa Şêxmeqsûd a bajarê Helebê bi meşekê êrîşa dagirkeriya Tirk li ser Bakur û Rojhilatê Sûriyê şermezar kirin.

Meş ji ber navenda Tevgera Ciwanên Şoreşger a Sûriyê destpê kir û li kolanan berdewam kir. Ciwanan meşle û alên tevgerê rakiribûn.

Li pêşiya çerxereya Fermandar a beşê rojhilatê yê taxê meş veguhirî mêtingê.

Di mêtingê de, ji rêveberên Komîteya Perwerdeya Civaka Demokratîk Zîlan Hesen û ji rêveberên Tevgera Ciwanên Şoreşger a Sûriyê Laleş Efrinî axivin.

Di axaftinan de, êrîşa dagirkeriya Tirk li ser herêmên Bakur û Rojhilatê Sûriyê hate şermezarkirin.

Mêting bi dirûşmeyên silavkirina berxwedana QSD`ê û Berxwedana Rûmetê û darizandina kujerê serdemê Erdogan, bidawî bû.

(kc)

ANHA


Mijarên Din