Ciwanên Helebê salvegera 15'ê Tebaxê pîroz kir

Bi diruşma "Bi rihê 15'ê Tebaxê werin cejna azadiyê" Tevgera Ciwanên Şoreşger a Sûriyê bi meşeke meşaleyî salvegera 37'an a Pêngava 15'ê Tebaxê pîroz kir.

Bi sedan ciwanên taxên Şêxmeqûsd û Eşrefiyê bi meşale, alên Tevgera Ciwanên Şoreşger a Sûriyê, Yekitiya Jinên Ciwan, TEV-DEM û posterên rêber Abdullah Ocalan ji pêşiya navenda ciwanan a beşê rojavayê taxê dest bi meşê kir.

Ciwanan bi berzkirina diruşmên silavkirina berxwedana gerîla ber bi qada Cîbayat a rojhilatê taxê ve meşiyan û li wir mîtîngeke li dar xist.

Piştî deqeya rêzgirtin endama Tevgera Ciwanên Şoreşger a Sûriyê Maya Weqas salvegera Pêngava 15'ê Tebaxê li rêber Ocalan, şehîdên azadiyê û tevahî gelên Rojhilata Navîn pîroz kir û got, berxwedana gerîlayan a li Avaşîn, Zap û Metînayê dê bi rihê 15'ê Tebaxê bi serkeve.

Piştî axaftinan li ber stranên şoreşgerî xelekên govendê hatin gerandin.

ANHA


Mijarên Din