Ciwanên Minbicê ji bo baykotkirina kelûpelên Tirkî belavokan belav dikin

Endamên Meclîsa Ciwanên Minbicê, wek piştgiriya hemleya baykotkirina kelûpelên Tirkî, belavok li şêniyan belav kirin, kelûpel hatin şewtandin û bang li şêniyan kirin ku malên Tirkî baykot bikin.

Di belavokên ku Meclîsa Ciwanên Minbicê li ser şêniyan belav dikirin de, wêneyên sûc û komkujiyên artêşa dewleta Tirk a dagirker derheqê şêniyan sivîl de pêk anîne hebûn, paşê Meclîsa Jinên Ciwan a bajartê Minbicê jî daxuyaniyek da.

Daxuyanî ji aliyê endama rêveber a Meclîsa Jinên Ciwan a bajarê Minbicê û gundewarên wê Rojînda Elî ve hate xwendin. Rojînda êrîşên artêşa dewleta Tirk a dagirker li ser herêmên Bakur û Rojhilatê Sûriyê şermezar kirin û daxwaz ji cîhanê kir ku kelûpelên Tirkî baykot bikin û got "bi nav pereyan çekan û madeyên kîmawî dikirin û bi wan çekan ciwanên herêmên Bakur û Rojhilatê Sûriyê qetil dikin".

(rr)

ANHA


Mijarên Din