Cotkarên Herêma Firatê nirxên berhema genim ji Rêveberiya Xweser wergirtin

Şîrketa Pêşxistina Çandinî ya li Herêma Firatê (kantonên Girê Spî û Kobanê) dest bi dayîna fatoreyên berhema genim a ku Rêveberiya Xweser ji cotkaran wergirtiye, kir.

Li kantonên Girê Spî û Kobanê Şîrketa Pêşxistina Çandinî dest bi radestkirina nirxên berhema genim ku beriya 3 hefteyan cotkaran radestî Rêveberiya Xweser kiribû, kir.

Xebata radestkirinê ji 17 Hizêranê ve dest pê kir û hê jî radestkirin heta dayîna bi giştî fatoreyên genim ji cotkaran re berdewam e.

Navendên girêdayî Gerînendetiya Çandiniyê ya Girê Spî miqdarên 29 hezar û 600 ton genim û 15 hezar û 130 ton ceh li depoyên Eyn Îsa, Sexrat û Dehlîzê, wergirtin.

Di derbarê belgeyên ku tên xwestin de da ku bergiriyên dayîna nirxên berheman bên bidawîkirin, divê kopyeyek ji nasnameya xwediyê berhem hebe û ji wê jî zêdetir divê kopyeya pîvanê ya di dema cotkar tovên xwe radestî navendên wergitinê dike de jî, hebe.

Lê ji aliyê belgeyên sependinên komîn û rixseta zeviyan ve, cotkar di dema radestkirina berhemên xwe li navendên wergitinê de pêşkêş dike. Piştî navendê wergirtin bi dawî kir, fatoran li şîrketê dijmêre û dûvre li gor dîroka diyarkirî nirxên berheman dide.

Di vê çarçoveyê de, serokê Şîrketa Pêşxistina Çandinî ya kantona Girê Spî Husên Selmo da zanîn ku 29 hezar û 600 ton genim ji cotkaran wergitine. Buhayê wê nêzî 4,5 milyar lîreya Sûriyê ye.

Li rexê jî diyar kir ku wergirtina genim hê jî li depoyên Dehlîz û Şerkerak berdewam e.

Şîrketê yekemîn dayîna fatoreyan da berhema genim û dê di çend hefteyên pêş de jî fatoreyên ceh jî bên dayîn.

Li Girê Spî Rêveberya Xweser 15 hezar û 130 ton ceh wergirtin.

(fr)

ANHA


Mijarên Din