Dagirkeriya Tirkiyê li Reqayê hate protestokirin

Bi dirûşmeya "Bi yekbûna civaka Sûriyê em ê Efrînê ji Osmaniyên nû rizgar bikin" sedan şêniyên herêma Retla ya başûrê Reqayê meşek lidar xistin.

Îro sedan şêniyên gundên başûrê Reqayê ji bo şermezarkirina binpêkirinên dagirkeriyê Tirkiyê li Efrînê û lêkirina dîwarê parçekirinê tevlî meşa ya li herêma Retlayê ya gundewarê başûrê Reqayê bûn.

Meş ji pêşiya  avahiya Meclisa Gel a gundê Retlê dest pê kir û di nav kolanên herêmê re geriya. Şêniyan dirûşmeyên banga derketina dagirkeriya Tirkiyê ji xaka Sûriyê qîr kirin. Her wiha pankartên "Na ji dagirkeriya Tirkiyê", "Na ji Osmaniyên nû re" û "Em ê hemû berxwedan in" hildan.

Meş li ber dibistana Retlê rawestiya û veguherî mêtîngê. Bi navê Partiya Pêşerojê ya Sûriyê endamê partiyê Abdullah El-Şeblî, bi navê Mala Jin a xeta El-Şemiyê Xewle El-Îsa, bi navê meclisên xeta El-Şemiyê Beşîr El-Elî û bi navê Meclisa Malbatên Şehîdan Rodîn Mistefa axivîn.

Kesên axivîne diyar kirin ku ew parçekirina xaka Sûriyê qebûl nakin. Her wiha li ser girîngiya rizgarkirina Efrînê gotin: "Bajarê Efrînê parçeyek ji Sûriyê ye, em ê ji bo rizgarkirina wê bixebitin, weke çawa me bi dehan salên berê em ji dagirkeriya Osmaniyan rizgar bûn û em nahêlin sînaryo careke din dûbare bibe."

Mêtîgn bi dirûşmeyên şermezarkirina binpêkirinên dewleta Tirk û silavkirina Berxwedana Serdemê bi dawî bû.

(jo)  

ANHA


Mijarên Din