Dema komên filistînî êrîş şermezar kirin, Tirkiyê zext li Hemasê kir ji bo ku daxuyaniyek ji bo piştgiriya êrîşê bide

Çavkaniyên ji Hereketa Hemsê bi bîr xistin ku , Hemsê rastî zextên Tirkiyê hat ji bo ku dauyaniyekê ji bo piştgiriya êrîşa Tirkiyê li ser Bakur û Rojhilatê Sûriyê bide. Piştî ku 12 komên filistînî bi daxuyaniyekê êrîşa Tirkiyê şermezar kirin.

Rojnameya El-Exbar a lubnanî li ser zimanê çavkaniyê agahdar ên tevgera Hemasê ragihand ku tevgerê rastî zextên Tirkiyê hatiye ji bo ku helwestek fermî û destekerê êrîşa Tirkiyê li dijî Sûriyê nîşan bide.

Piştî ku 12 komên filistînî daxuyaniyek da û ragihandin ew êrîşa Tirkiyê red dikin, Tirkiyê aciz bû û zext li Hemasê kir.

Çavkaniyê ji rojnameyê re bi bîr xist: “Tevgerê desthilata Tirkiyê agahdar kir ku ew naxwaze daxuyaniyekê bi navê xwe girêdayî operasyona wê ya leşkerî bide. Ji ber ku li dijî siyaseta tevgerê ye û wesîqeya wê ya siyasî ya 2017`an e.

Lê Tirkiyê ew tişt red kir û ji tevgerê xwest ku helwestek diyar nîşan bide. Ji ber wê Hemasê daxuyanî da û tê de got: "Ew mafê Tirkiyê ji bo parastina sînorên xwe û rakirina tehdîdên li ser ewlehiya wê ya neteweyî fam dike li gel hewldanên Musada Îsraîlî ji bo têkbirina ewlehiya erebî û islamî."

Tevgera Hemas di daxuyaniyekê detekeziyê li ser yekîtiya tevahiya xaka Sûriyê kir.

Hêz û aliyên Filistînê wek “Tevgera Rêzgarîxwaz a Niştimanî ya Filistînê (FTH), Eniya Gelerî ya Rizgarkirina Filistînê, Eniya Demokratîk a Rizgarkirina Filistînê, Eniya Gelerî ya Rizgarkirina Filistînê “Fermandariya Giştî``, Eniya Rizgarîxwaz a Erebî, Eniya Têkoşer a Gelerî ya Filistînê, Eniya Erebî ya Filistînê, Partiya Gel a Filistînê, Eniya Rizgarîxwaz a Filistînê, Yekîtiya Demokratîk a Filistînê (FDA), Tevgera Mubadere ya Filistînê û Pêşengên Şer a Rêzgarîxwaz a Gelerî ``Hêzên Saîqa``, Daxuyaniyek bi hevre îmze kirin.

Daxuyaniyê bang li aliyan kir “Girîng e ku Hêzên Tirkiyê ji xaka Sûriyê yên hatine êrîşkirin vekişin û pilanên wê yên fîtneyê di navbera yek netew de çêdike vala werin derxistin û operasyon xwe rawestîne “her wiha” li ser projeyên parçekirina xaka Sûriyê wek deriyê derbasbûna parçekirina herêmê”  da.

 (rr/şx)

ANHA


Mijarên Din