Desteya Perwerdeyê rojbûna Ocalan pîroz kir

Desteya Perwerde û Fêrkirnê ya Herêma Cizîrê bi boneya rojbûna Rêberê Gelê Kurd Abdullah Ocalan li Stada Şehîd Heysem Kuço pîrozbahiyek li dar xist.

Desteya Perwerde û Fêrkirinê ya Herêma Cizîrê bi boneya rojbûna Rêberê Gelê Kurd Abdullah Ocalan li Stada Şehîd Heysem Kuço û bi dirûşma "Bi rihê 4`ê Nîsanê em ê neteweya demokratîk ava bikin û bi rêber Ocalan re azad bijîn" pîrozbahiyek li dar xist. Bi sedan mamoste, hevseroka Desteya Perwerdeyê ya Herêma Cizîrê Semîra Hec Elî, hevseroka TEV-DEM`ê Zelal Ceger û hunermend Cewad Merwanî beşdarî pîrozbahiyê bûn.

Li stadê wêneyên Rêberê Gelê Kurd Abdullah Ocalan û wêneyênê têkoşer Leyla Guven hatin daliqandin.

Di pîrozbahiyê de hevseroka TEV-DEM`ê Zela Ceger axivî û got Ocalan ew ber bi jiyana azad, îrade, nasname û hebûnê ve birin. Zelal diyar kir ku gelek zanyar û feylezof derketin da ku gelê xwe bi rê ve bibin lê wan nikarîbû wekî rêber Ocalan mafên wê bidin wê û wiha anî ziman:"Ji ber wê me wek jin deyndarên rêber Ocalan in. Em li ser esasê firkên wî ji bo avakirina jiyana azad tev digerin."

Hevseroka TEV-DEM`ê Zelal Ceger di dawiyê de diyar kir ku ne tenê Kurd lê belê ereb, suryan, tirk, îranî, dewletên Ewrûpa û Amerîkayê firkên Rêber Ocalan esas digirin û di zanîngehan de tê dayîn.

Hevseroka Desteya Perwerdeyê ya herêma Cizîrê Semîra Hec Elî diyar kir fir û felsefeya Rêber Ocalan di zanînge û akademiyên Bakur û Rojhilatê Sûriyê bi armanca avakirina nivşekî azad ku parastina nirx, pîvan û rastiya civaka xwe bikin, tên dayîn.

Paşê Koma Nûpelda stranên folklorîk pêkêş kirin û xelekên dîlanan hatin gerandin. Di dawiyê de hunermend Cewad Merwanî stran gotin.

(bx)

ANHA


Mijarên Din

Li Raî teqîn