Dewleta Tirk a dagirker sewqiyat ber bi “herêmên bêçek" ve şandin

Artêşa dewleta Tirk a dagirker kerwaneke nû ji hêzên leşkerî derbasî “herêmên bêçek” ên xaka Sûriyê kir. Hêzên hikumeta Şamê baregehên çeteyên dewleta Tirk ên li gundewarên Idlibê topbaran kirin.

Dewleta Tirk sewqiyatên leşkerî ber bi herêmê ve didomîne. Şeva şemiyê 25 wesayîtên leşkerî di dergeha sînorê Kefer Losîn re ber bi noqteyên çiyayê El-Zawiye yê Idlibê ve hatin şandin.

Ji aliyekî din ve jî, Navenda Çavdêriya Mafên Mirovan a Sûriyê ragihand ku hêzên hikumeta Şamê şeva şemiyê herêmên El-Ftîre, Sifohîn, Kensefra, Filêfil û derdora Benîn a gundewarên başûrê Idlibê, her wiha derdora Qilêdîn û El-Etkawî ya Sehil El-Xab a gundewarên bakurê rojavayê Hemayê, topbaran kirin.

(dx)


Mijarên Din