‘Dewleta Tirk bi îdiayên li ser rewşa rêber Ocalan dixwaze îradeya gelan bişikîne’

Tevgera Ciwanên Şoreşger û Yekitiya Jinên Ciwan a Minbicê bi daxuyaniyekê xwest rewşa tenduristî ya rêber Abdullah Ocalan bê eşkerekirin û got hikumeta Tirk bi îdiayên wisa dixwaze îradeya gelan bişikîne.

Hevserokê Meclisa Ciwanan a Minbicê Ehmed El-Cemîlî bi beşdarbûna şêniyên gundên El-Muhterêq û El-Farat û endamên meclisê daxuyanî xwend.

Di daxuyaniyê de hate destnîşankirin ku girtina rêber Abdullah Ocalan sûcekî mezin bû, her wiha redkirina daxwazên serdana parêzeran û malbatê, binpêkirina yasayên navneteweyî û qanûnên mafên mirovan e.

Di daxuyaniyê de bang li NY û rêxistinên mafên mirovan hate kirin ku destwerdanê bikin û zextê li hikumeta Tirkiyê bikin da ku rewşa rêber Abdullah Ocalan eşkere bike, her wiha destûrê bide tîma tenduristiyê ku rewşa wî kontrol bikin, tecrîdê bi dawî bike û destûra hevdîtinê bide malbat û parêzeran.

(dm)

ANHA


Mijarên Din