Di çarçoveya peymana ewlehiya sînor de gelek mewziyên li Girê Spî hatin hilweşandin

Dewriyeyeke hevbeş a hêzên ewlehiya sînor ên girêdayî Meclisa Leşkerî ya Girê Spî û hêzên DYA’yê derketin û mewziyên leşkerî yên li nuqteyên ku QSD jê vekişiya û radestî Meclisa Leşkerî ya Girê Spî kir, hilweşandin.

Dewriyeyeke hevbeş a hêzên ewlehiya sînor ên girêdayî Meclisa Leşkerî ya Girê Spî û hêzên DYA’yê îro sibehê derket û mewziyên leşkerî yên li nuqteyên ku QSD jê vekişiya û radestî Meclisa Leşkerî ya Girê Spî kir, hilweşandin.

Gelek xendekên di Nuqteya El-Mesref a li aliyê bakurê bajarê Girê Spî hilweşandin. Hîna xebata hilweşandinê li nuqteyê didome û tê payîn ku dewriye xebatên hilweşandinê li nuqteyên din jî dewam bike.

Ev yek di çarçoveya peymana ewlehiya sînor de pêk tê ku QSD û Tirkiyê bi navbeynkariya DYA`yê li serê li hev kir.

Peyman li ser bingeha ku QSD ji xeta sînorê di navbera bajarê Serêkaniyê û Girê Spî bi dirêjiya 5 km vekişe û radestî meclisên leşkerî yên herêmî bike û hilweşandina mewziyên ku berê li herêmê hatin avakirin, pêk tê.

Yekemîn dewriyeya hevbeş di navbera DYA û Tirkiyê de li rojhilatê bajarê Girê Spî di 8`ê Îlonê de pêk hat da ku mekanîzmaya pêkanîna peymanê pêk bîne.

(jo)

ANHA


Mijarên Din