Di demeke nêz de.. li Qamişlo basên veguhestina hundirîn

Komîteya Hawîrdor û Şaredariyan a kantona Qamişlo bi armanca kêmkirina qerbelixa tirafîkê di bajêr de, 5 basên veguhestina hundirîn ji bo hêsankirina çûn û hatinê diyar kir.

Şêniyên bajarê Qamişlo gazin ji Şaredariya Gel a bajêr re rakirin, ku hin ajokerên serfîsan kirêya veguhestinê di seatên nîvro û êvarê taybet bilind dikin. Ji bo kêmkirina kirêya veguhestinê ser şêniyan, Komtîya Hewrîdor û Şaredariyan a kantona Qamişlo 5 basên veguhestina hundirîn di bajêr de û bi 25 L.S diyar kir.

Tê payîn ku di hefteya bê de bas têkevin xizmeta şêniyan. Bas dê ji seat 7:00 sibehan ji taxa Hilêliyê ji navçeya rojhilat ber bi navenda bajêr ve bimeşe, her wiha ji navenda  bajêr heta taxa Nemetlî ya li navçeya rojhilat bimeşe.

Komîteya Hewrîdor û Şaredariyan a kantona Qamişlo diyar kir ku her basek 22 kesan radike.

Ji bo xwediyên serfîsan (Texî) dê karê wan ser xetên bajêr bike û her kesê ku şêniyan bixapîne dê li gorî zagonan bê ceza kirin.

(jo)

ANHA

ç


Mijarên Din