Di destpêka sala nû de Reqa dê ronî bibe

Şaredariya Gel a Reqayê hewl dide bi destpêka sala nû kolanên bajarê Reqayê  bi dirêjahiya 15 km ronî bike. Li ser vê yekê xebatên xwe berfireh kirin.

REQA

Bi dirûşmeya " Em ê ronê bikin" Şaredariya Gel armanc dike elektirîkê vegerîne hin taxên Reqayê, ji ber vê yekê kargehên kar  karê serastkirinê  berdewam dikin.

Di pêngava yekem de dê kolanên sereke, çerxerêya Saa û dikanên bazirganiyê li aliyê rêyan ronî bikin.

Hevserokê Şaredariya Gel a Reqayê Ehmed El-Îbrahîm ji ajansa me axivî û got " Niha em elektirîkê vedigerînin navenda bajarê Reqayê û kolanên wê yên sereke bi dirêjahiya 15 km, ji Miheta Reqa 2 piştre Pira Kevn heya navenda bajêr û  çarxerêya Saa heya digihêje Nexweşxaneya Zarokan a li aliyê Rojava"

El-Îbrahîm destnîşan kir  ku  Wekî Şaredariya Gel xizmetên cur bi cur ji şêniyan re pêş kêş bikin û di serastkirina elektirîkê de ji bo bigihêje her malekê de berdewam in.

ANHA


Mijarên Din