Di dîmenên çeteyan de hevkariya DAIŞ û dewleta Tirk a dagirkirina Efrînê

Dîmenek ku bi telefona çeteyekî DAIŞ`ê hatiye kişandin belav bû. Di dîmenê de xuya dibe ku çeteyên DAIŞ’ê di ser Tirkiyê re ber bi Efrînê ve diçin.

Di dîmenekê de ku nû hate belavkirin, xuya dibe ku bi sedan çeteyên DAIŞ`ê bi rêya Tirkiyê bi armanca pişgiriya dagkirina Efrînê berê xwe didin Efrînê.

Çete 16`ê Şibata 2018`an bi rêya xaka Tirkiyê û bi fermana ji artêşa Tirkiyê ji bo dagirkirina Efrînê derbasî Efrînê bûn.

Li gorî çavkaniyan, dema ku çete li ser rêya Dîlok-Kilîsê bûn, dîmen hatiye kişandin.

Artêşa Tirk a dagirker 20`ê Çileya 2018`an êrîş kir û piştî ku bi deh hezaran ji çeteyên xwe anîn, 18`ê Adara 2018`an Efrîn dagir kir.

(bx)


Mijarên Din