Di foruma siyasî ya li Tebqayê de çareseriyên krîza Sûriyê

Rewşenbîr, rûspiyên êlan û endamên saziyên li Tebqayê sedemên zexmbûna aloziya Sûriyê û rêbazên çareseriyên wê, bi rêya foruma siyasî ya bi diruşma"Siyasetên navdewletî û herêmî û rêveçûnên çareseriya krîza Sûriyê" nîqaş kirin.

Partiya Pêşeroj a Sûriyê ya şaxê Tebqayê forumeke siyasî li Navenda Çand û Hunerê ya bajarê Tebqayê bi diruşma " Siyasetên navdewletî, herêmî û rêbazên çareseriya krîza Sûriyê" organîze kir. Di forumê de nîqaş der barê aloziya Sûriyê û rêbazên bidawîkirina wê û divê pêşeroja Sûriyê ji ya berê pêşdetir be de, hate nîqaşkirin.

Di forumê de bi dehan rewşenbîr, rûspiyên êlan û endamên saziyên bajarê Tebqayê amade bûn û li ser pêşketinên ku vê dawiyê li herêmê bi rêya rewşa rêxistinî rû dane, siyaset û bûyerên ku çêbûne, pêşniyarkirina nêrîna siyasî û asoyên gihandina çareseriyê di çarçoveya Sûriyê û herêmî de hatin nîqaşkirin.

Axaftina pêşwazîkirinê ji hêla cîgira şaxa Partiya Pêşeroj a Sûriyê ya li Tebqayê Semre Hesen ve destpê kir û dûvre Sekretera Giştî ya partiyê Hevrîn Xelef axivî û tekez kir ku çawa aloziya Sûriyê bûye derfetek ji bo ji nûve xêzkirina nexşeya koalîsyonên herêmê û dengeyên wê bê kirin.

Hevrîn got opozîsyonê li hember rejîma destpot li Dera di 15’ê Adarê de daket qadan û bi wê re jî piranî dewletan çav berdan xêr û bêrên welat da ku armancên xwe pêk bînin û di serî de jî Tirkiyê, Qeter, Îran û Rûsyayê.

Piştre bi navê Cîgirê Sekreterê Giştî yê Partiya Pêşeroj a Sûriyê Îbrahîm El-Ferec nêrîna partiyê der barê hin çareseriyên aloziya Sûriyê de pêşniyar kirin û wiha domand : "Partî dibîne ku aktîvkirina  biryara navdewletî ya bi jimareya 2254 a ku ji Kongreya Cenêvê 2 der ketiye û ji girîngtirîn bendên wê, destpêkirineke rast a çareserkirina aloziya Sûriyê ye û partî hin xalên bingehîn tekez dike û ev xal jî wiha ne: 

1-Agirbest giştî li tevahî herêmên Sûriyê û hîmên aramî û ewlehiyê jî pêk werin

2-Serbestberdana hemû girtiyan ji tevahî aliyên dijber.

3-Destpêkirina diyaloga niştîmanî Sûrî-Sûrî beyî tu şert an jî destwerdana derve.

4-Bidawîkirina hemû cureyên dagirkeriyên biyanî li Sûriyê di bin kîjan mercan an navî de be bila bibe.

5-Xebata avakirina destûrê tê de hemû pêkhateyên gelê Sûriyê bin.

6-Ji nû ve sazkirina sîstema ewlehî û artêşê li ser bingeha niştîmanî.

7-Pêkanîna hilbijartinên azad bi çavdêriya navdewletî.

8-Garantiya azadiya xebata siyasî û azadiya avakirina partiyan.

9-çareserkirina dosyeya koçberan hem di hundir û hem jî derve de û garantiya vegera welatiyên resen a welatê xwe.

10-Destpêkirina dîtina xebatê bi lihevkirina sûriyan a jinûveavakirin û tawîzkirina kesên zirar ji şer dîtine.

Di  dawiyê de jî, deriyê nîqaşê li ser gelek aliyan hat vekirin û di nava nîqaşan de, pêwîstiya beşdarbûna Partiya Pêşeroj a Sûriyê di Kongreya Cenêvê de ye hate dîtin.

(fr)

ANHA


Mijarên Din