Di mîhrîcana Herekol de şanoya "Rihên Şewitî" hate pêşandan

Di mîhrîcana 5’an a Şehîd Yekta Herekol îro şanoya"Rihên Şewitî" ji aliyê koma Lêlonê ya şanoyê hate pêşandan û bi rêya wê fikireya vegerê û nevegera li Efrîna dagirkirî hate pêşkêşkirin.

Îro li ser dikeya Navenda Mihemed Şêxo ya Çand û Hunerê koma LêLonê şanoya bi navê "Rihên Şewitî" pêşkêş kir. Deqa şanoyê ji aliyê Ednan Mistefa û Raperîn Hesen ve hatibû nivîsandin. Ev şano li ser bajarê Efrînê ya dagirkirî ye.

Şano ji aliyê 4 lîstikvanan ve hate pêşkêşkirin û tê de sûcên li Efrînê tên kirin nîşan dan.

Şanoyê behsa azarên koçberên li kamapan û siyasetên koçberkirina bi darê zorê û guhartina demografî ya ji hêla dewleta Tirk a dagirker û çeteyên wê yên li Efrînê pêk tên, kir.

Şanoya Rihên şewitî fikireya veger û nevegera li Efrîna dagirkirî pêşkêş dike, di heman demê de lîstikvanan girêdana xwe ya bi erdê ve nîşan da û ev hest li ser rûyên temaşevanan jî eşkere bûn.

Di nava şanoyê de dîmenên der barê dara aştiyê ya zeytûnê hatin pêşandan û vê yekê hişt ku gel bigirîn.

Piştî şano bi dawî bû, rexnegiran û beşdaran nêrînên xwe der barê şanoyê de parve kirin û got ku Efrîna dagirkirî  dê rizgar bibe.

Dê mîhrîcana Şehîd Yekta Herekol heta 6’ê Nîsanê şanoyan pêşkêş bike û dê sibe şanoya bi sernava "Qêrîn" ji hêla lîstokvanên koma Tolhildan a Xweser a Hesekê ve were pêşandan.

(eh)

ANHA


Mijarên Din