Di Mîhrîcana Şehîd Stêrvan de çalakiyên werzîşê

Di roja duyemîn a Mîhrîcana Şehîd Strêvan a ji aliyê Yekitiya Jinên Ciwan ve hatiye birêxistinkirin çalakiyên werzîşê hatin lidarxistin.

Mîhrîcana Şehîd Stêrvan a ji aliyê Yekitiya Jinên Ciwan ve hatiye birêxistinkirin di roja xwe ya duyemîn de li kantona Şehbayê didome.

Ev mîhrîcan di çaroveya Pêngava Kongreya Star a bi diruşma"Xak û rûmeta xwe biparêzin, dagirkeriyê û DAIŞ’ê têk bibin" de pêk tê.

Mîhrîcana bi diruşma"Bi rihê şehîd Stêrvan serî hilde û rêya rizgarkirina Efrînê xêz bike" di roja duyemîn de bi çalakiyên werzîşê û maça fotboolê li yarîgeha Babinis a navçeya Fafînê ya kantona Şehbayê didome.

Çalakiyên îro bi deqeyeke rêzgirtinê dest pê kir. Dûvre pêşbirka 2 tîman a bezê heta 100m û ya duyemîn 400m bi beşdariya 6 lîstikvanan ji her tîmek li dar ket.

Piştre maça şetrencê ku 2 tîm tevlêbûne pêk hat. Piştî şetrenc bi dawî bû maça bîngboolê dest pê kir. Li pey wê pêşbirka 4 lîstîkvan a beza bi çiwalan pêk hat.

Çalakiya roja duyemîn a mîhrîcana bi maça fotboolê ya di navbera tîmên Til Qirah û Til Rifatê de di nava coşa mezin bi dawî bû. Maç bi serkeftina tîma Til Rifatê ya bi 3 golan li hember golekê bi dawî bû.

Mîhrîcan dê sibe bi pêşbirkên çandê bi dawî bibe.

(fr)

ANHA


Mijarên Din