Di tabloyên xwe de rasteqîniya Şoreşê nîşan dan

Li bajarê Hesekê du birayan di pêşangehekê de tabloyên ên li ser rastî û hêviya Şoreşa Rojava, Bakur û Rojhilatê Sûriyê nîşan dan.

Komîteya Çand û Hunerê ya Kantona Hesekê pêşangeheke şêwekariya du birayan Yasir Hebîb û Hey Hebîb a bi slogan "Orkêş" organize kir. Her du birayan di tabloyên xwe de rasteqînî, hêviya şêniyên Bakur û Rojhilatê Sûriyê nîşan dan.

Pêşangeh li hola navçeya Meclisa navçeya rojhilatê bajarê Hesekê, ji aliyê Nifûsa Mihmed Xelîl diya şehîd Baran ve û bi beşdariya bi dehan şêniyên kantona Hesekê hate vekirin. Paşê hevseroka komîteya Çand û Hunerê ya kantona Hesekê Efaf Heskê axivî û got:"Tabloyên hatine pêşandan, qonaxên Şoreşa me ya Bakur û Rojhilatê Sûriyê nîşan dide. Tişta ku me dixwest ji cîhanê re diyar bikin, em îro di pêşangeha Orkêş de pêşan dikin."

Tabloyên ku hatine pêşandan rewşa li herêmên Bakur û Rojhilatê Sûriyê, qonaxên avakirina rêveberiyên xweser ên demokratîk û hêzên leşkerî yên ku parastina destkeftiyên hermê yên bi saya şehîdan hatine bidestxistin, kirin.

Her wiha tabloyan êş û azara ku gelên herêmê di dema êrîşên dagirkeriya Tirkiyê û çeteyên de, jiyane nîşan didin.

Têkildarî mijarê şêwekar Hey Hebîb axivî û got:"Di tabloyên xwe de min felsefe û fikrê Bakur û Rojhilatê Sûriyê derbirîn. Her wiha ji ber jin asta civakê û awayê hevgirêdana navbera jin û mêr diyar dike. Tabloyên min felsefeya jina rewşenbîr, xurt û fedekar nîşan dan."

Hebîb diyar kir ku ji ber wî hevgirêdanek di navbera hunera suryanî û rasteqînî de çêkiriye, wî rengekî cuda daye tabloyên xwe, her wiha nêzîkatiyên mirovî, şaristanî û mîratî yên civaka me ya Bakur û Rojhilatê Sûriyê nîşan daye.

 Hey Hebîb di dawiya axaftina xwe de bal kişand ser ku wan bi rêya pêşangehê xwestin rastiya bedbîn a ku gelên herêmê tê re derbasbûne û rewşa rasteqîniya Şoreşa Bakur û Rojhilatê Sûriyê diyar bikin.

Bernameyê pêşangehê dê heta saet 21.00’ê bidome û dê bi şahiyeka mûzîkê bidawî bibe.

(eh)

ANHA


Mijarên Din