Di topbarana li ser Til Rifetê de sivîlek şehîd bû û 3 birîndar bûn

Di topbarana artêşa Tirk a dagirker û çeteyên wê yên li ser navçeya Til Rifetê ya Şehbayê de sivîlek şehîd bû û 3 birîndar bûn.

Nûçegihanên me ji herêmê diyar kirin ku artêşa Tirk a dagirker û çeteyên wê vê êvarê navçeya Til Rifet a Şehbayê bi obusan dan ber topan û bi dehan top li jîngehên şêniyan ketin.

Di topbaranê de welatiyê sivîl Sebirî Umer Hemdo yê 65 salî şehîd bû û Fikret Reşîd Xorşîd (48), Zeyneb Ebdulrehman Umer (54) û Muherem Bekir 70 birîndar bûn.

Topbarana li ser navçeyê hîna berdewam e.

ANHA


Mijarên Din